NAMEYÊK BO BERPIRSANÎ MALPERÎ H.H.K

HÎWA GÊOMATA

Le gell rêzim botan, çend rexneyêkim heye le ser beşî Ayîn le Kurdistan, ke çend helleyêkî têdaye ke baş niye bo mallperî fermî H.H.k. boye Hîwadarim be dilfirawaniyewe lêm wer bigrin û eger rexnekanîşim rewa bûn ewe kelkî lê wer bigrin,Yekem şit nawî Diyako bû ke pêştirîş le peyamêk da yadawerîm kirdibû eweyş ewe bû ke nawî ew Padşa Madiye çaktire ke be Kurdî binûsraye , ne be Yonanî. be taybet ke le farsiş da be ‘Diyaoko’ deynasin. Ca katêk ke Farsekan Padşakey ême be nawe Kurdiyekey denasin, bo çî debê, ême xoman be nawe Yonaniyekey bînasîn?Duhem nawî yekemîn Padşay Hexamenişî ye ke nawî ‘Kûroş’ e û em naweyş her wekû nawî Diyako hêşta be kar dehênrê boye be kar hênanî nawe yonanîekey ewîş pêm waye helle bê.Sêhem, eweye ke Kûroş kiçezay dwayîn padişay Mad wate kiçezay Îştovîgo ye. Her bem hoyeş bû ke Madekan bewe razî bûn ke ew bibê be şay ew serdemey Êran. Cêgey amajeye ke supasalarî kûroş, heman supasalarî Îştovîgo, wate Harpage bû.Ew şiteyî ke be nawî bîr û bawerî firîştekan nawtan lê birdûe, û be ayînî Madekan nawzedtan kirdûe, heman Aayînî Zerwanî ye ke rîûey seretayî ayînî Mîtra ye, ke zorbey bawerekanî em ayînane hêşta le Êzidiyet û Yarsan da mawetewe. Tenanet hendê mêjûnas ayînî Mesêh be heman Mîtra dezanin ke cil û bergî Samî le ber kirdûe.Çwarem, baş bû le kenarî Mezdek da, basî Manî û Babekî Xurremdîn îştan bikirdaye. Be taybet ke emro Turkekan be saxtekarî le mêjû da xerîkin Babekî Xurremdînî Madî, be palewanî netweyî Turkan binasênin!Pêncem, hîç basêktan le Şê’egerî nekirdûe le halêk da ke beşêkî zor le Kurdekan be taybet le rojhelatî Kurdistan, Şê’en û em mezhebeyş wekû sofîgerî bo beringar bûnewey be Ereb kirdin serî heldawe.Şeşem, sebaret be Êzidîekan witareketan zor be nirxe û deytwanî ziydtirîş bê. Tenha kem û kurrî em beşe eweye ke le rojhelatî Kurdistan îş da, çend gundêkî Êzidî nişîn le parêzgay Kirmaşan da heye. Helbet min bo xom nemdîwin belam xelî asayî ke Êzidîan be Şeytanperist dezanin, delên çend gundî Şeytanperistan le nawcey Sehne û Kulyayî da heye.Heftem, hîç Ehlî Heq yan Yarsanêk ne xoy be Musulman dezanê ne be Şî’e. Herweha gwaye le nûserî em deqe nawî Kilardeşt î nebîstûwe. Çun em şare ke le Bakûrî Êran û le parêzgay Gîlan daye, senterî Yarsan (Ehlî Heqî) rojhelatî Kurdistan’e û danîştwanîşî birîtîn le Kurdî Kelhur, herweha cige l’ew nawçaney ka le deqekeda amajeyan pê kirawe, debê nawçey Kucûr îş le parêzgay Mazinderan î Îran îş îzafe bikrê ke zorîney danîştwanî Kurdî Yarsan in. Herweha şiyawî base ke nawî Pirdîwer be hele, Pirdîwar, nûsrawe.Heştem, le beşî sofîgerî da, nawî şarî Buxara, be hele Buxar nûsrawe.Nohem, zor sersûrmane ke Kurdan dan beweda binin ke Zerdeşt xelkî rojhelatî Êran bû’e. Zimanî Gatekanî Zerdeşt boman deselmênê ke ew zimane, daykî em zimane dabeşkirawey emroy Kurdî ye. Diyare Zerdeşt ke neytwanî le Mad bo bîr û Bawere nwêkey layengir bidozêtewe rûy kirde rojhelatî Êran û lewe twanî ayîne nwêkey be ser bixat. Hemû serçawekan amaje bewe deken ke Zerdeşt Mux bûe, Muxekan yekêk le hozekanî binaxedanerî Yekyetî Mad Bûne, û ta duayî pê hatinî serdemî Hexamenişîş her weku birîkarî ayîn manewe. Paş le Kuroşî Hexamenişî Muxekan ayînî Zerdeştîyan kird be ayînî fermî Êranî ew serdeme.Deyem, tikaye katêk detanewê bo malperêkî wa giring witarî awa giring binûsin, pirsyar le çend mêjûnas biken, yan her hîç nebê, çend serçawey bawer pêkiraw bixwêninewe. Tikaye karêk meken ke xelk paşî kemterxemiye firawanekantan bew berhemeyş bigen ke serkirdayetiyekeyan sewdyan le biwarî Kurdistan û mêjukeyûî da niye.le gel rêz bo hemû kare çakekantan tikaye em rexneye le Kurdêkî xelkî Tehran (ke yekêk le şare giringekanî serdemî Mad bûe) qebûl biken.